KEV NOJ QAB HAUS HUV NTAWM TXOJ KEV XAV YOG QHOV TSEEM CEEB RAU KOJ THIAB KOJ TSEV NEEG
Tus kab mob cuam tshuam txoj kev xav, ib yam lwm cov kab mob kev nkeeg, cuam tshuam txog txhua haiv neeg, cov muaj thiab cov pluag, txhua txoj kev ntseeg, cov hluas thiab cov laus, thaib nws tuaj yeem cuam tshuam tau thoob plaws yus txoj kev noj qab haus huv. Lwm yam, xws li txoj kev nyuaj siab thiab kev txob txhawj, los yog tej yam uas tshwm sim ntawm txoj kev xav phem thiab kev sib cais raws tsav neeg, ua tau teeb meeb rau txoj kev xav thiab kev noj qab nyob zoo ntawm koj lub zej zog.
Txawm tias cov yam ntxwv no tshwm sim tau rau ib leej tus twg, los nws tsis muaj feem qhia tau tias koj yog leej twg los sis tiv thaiv koj txoj kev nrhiav kev kaj siab.
Thaum koj saib xyuas koj txoj kev nyob nyab xeeb ntawm txoj kev xav, yuav ua tau rau koj tuaj yeem saib xyuas tau koj lub cev, koj txoj kev xav, thiab kev noj qab haus huv ntawm fab ntsuj plig. Thaum tau txais kev kho, nws muaj feem ua rau cov tib neeg uas tab tom nyob nrog tus kab mob ntawm txoj kev xav los nyob zoo, thiab ua neej kaj siab, tab sis tseem ceeb heev, lawv yuav tsum tau txais kev txhawb los ntawv lawv tsev neeg thiab lub zej zog.
Cov Mob Cuam Tshuam Txoj Kev Xav Uas Nquag Pom Muaj
-
Tej Kev Xeeb Txob (Anxiety Conditions)
Qhov no yog thaum yus muaj txoj kev ntshai thiab kev txhawj heev ua rau yus tswj tsis tau thiab tsim teeb meem loj rau yus txoj kev ua neej nyob.
Yog xav paub ntxiv -
Muaj Mob Xam Tsis Tau Txog Ib Yam Tswj Tsis Tau Tus Kheej(Attention Deficit Hyperactivity Disorder)
Tus mob no txhais tau hais tias tus tib neeg pheej xam tsis tau txog dab tsi thiab tswj tsis tau nws tus kheej (piv txwv tias, nws muaj teeb meem xav txog ib yam xwb) thiab/lossis nws pheej nyob tsis tswm (piv txwv tias, nws tswj tsis tau nws tus cwj pwm, pheej txav tes txav taw).
Yog xav paub ntxiv -
Cwj Pwm Hloov Pauv (Bipolar Disorder)
Qhov no yog thaum yus muaj kev pauv cwj pwm txawv thiab loj heev. Piv txwv li yus nyob zoo siab thiab ua tau raws li yus lub siab xav, tiam sim ib pliag yus ho hloov paub muaj kev tu siab loj heev thiab tsis muaj kev cia siab lawm.
Yog xav paub ntxiv -
Kev Tu Siab (Depression)
Kev tu siab muaj cov tsos mob sib txawv nyob raws li ntawm tus tib neeg, tabsis feem ntau cov neeg muaj kev tu siab muaj kev hloov pauv lub cev ntaj ntsug thiab txoj kev xav uas cuam tshuam rau kev ua neej nyob txhua hnub. Cov tsos mob uas tshwm sim ntau tshaj muaj li ntawm no: muaj tag kev cia siab lossis cov kev xav txog ua tej yam ua yuam kev, qaug zog, muaj kev hloov ntawm kev pw tsaug zog, muaj kev hloov ntawm kev qab los noj mov, tsis muaj siab ua ub ua no thiab ua mob rau lub cev ntaj ntsug.
Yog xav paub ntxiv -
Tej Teeb Meem Noj Mov (Eating Disorders)
Tej Teeb Meem Noj Mov piav txog tej yam kab mob uas ua rau tib neeg noj mov txawv, muaj kev txhawj xeeb los sis kev xeeb txob hais txog lawv lub duab cev.
Yog xav paub ntxiv -
Tus Kab Mob Ntawm Txoj Kev Ntshaw (Obsessive-Compulsive Disorder)
Qhov no txhais tau hais tias yus muaj txoj kev pheej xav, pheej ntshaw los sis pheej pom tej yam uas txob yus thiab tej yam uas yus tsis xav tau (obsessions), tsis tas li ntawd, pheej rov qab ua tej yam los sis ua tib qho qub vim tus neeg ntawd xav hais tias nws yuav tsum tswj qhov kev ntshaw ntawd xwb (compulsions).
Yog xav paub ntxiv -
Tus Kab Mob Nyuaj Siab Tom Qab Raug Xwm Txheej (Post-Traumatic Stress Disorder)
Qhov no yog thaum yus raug tej yam teeb meem tom qab yus raug ib qho xwm txheej los sis raug mob loj lawm. Nov hais txog thaum yus rov qab pom ib yam dab tsi uas yus tau raug lawm, zoo li rov qab pom yav nram ntej los sis ua npau suav phem, tsis xav nrog lwm tus neeg sib raug zoo, pauv yus lub neej kom tsis txhob xav txog tej yam uas yus raug los lawm, los sis pheej ceeb/nyuaj siab yus thiaj ua tsis tau neej nyob li yus ib txwm ua.
Yog xav paub ntxiv -
Vwm Xiam Hlwb (Schizophrenia)
Tus kab mob ntawm lub hlwb uas pauv tus neeg ntawd txoj kev xav (feem ntau qhov no hu ua "teeb meem xav"), ua tus neeg coj cwj pwm txawv, thiab ua rau lub siab xav txawv ces thiaj li: xav txog tej yam tsis tseeb, pom los sis hnov tej yam uas tsis muaj tiag, xam tsis tau zoo thiab pheej coj cwj pwm los sis txav lub cev txawv heev.
Yog xav paub ntxiv -
Muaj Mob Tswj Tsis Tau Tus Cwj Pwm (Borderline Personality Disorder)
Tus mob no muaj tus yam ntxwv los ntawm cov teeb meem cuam tshuam txog txoj kev xav thiab coj. Cov tib neeg uas muaj mob tswj tsis tau tus cwj pwm (Borderline Personality Disorder, BPD) muab lawv txoj kev xav xws li txoj kev zoo siab chim siab muaj ceem thiab ntev heev, thiab nws yog ib qho nyuaj rau lawv rov qab tig los nyob tus yees zoo li qub tom qab lawv muaj tej yam tshwm sim uas ua rau lawv tswj tsis tau lawv lub siab.
Yog xav paub ntxiv -
Muaj Mob Kev Sib Cais (Dissociative Conditions)
Tus mob no muaj tus yam ntxwv los ntawm kev khiav ntawm qhov tseeb uas tsis yog txhob txwm. Nws khiav raws li ntawm tsis muaj kev sib txuas ntawm cov kev xav, kev tsis paub txog nws tus kheej, kev feeb thiab cim xeeb.
Yog xav paub ntxiv -
Pob Puas Hlwb (Psychosis)
Tus mob no muaj tus yam ntxwv los ntawm kev cuam tshuam rau ib tug tib neeg txoj kev xav, thiaj li nyuaj rau nws paub tias qhov twg yog qhov tseeb thiab qhov twg yog qhov cuav. Kev cuam tshuam muaj li ntawm kev pom, kev hnov, thiab kev ntseeg tej yam uas tsis muaj tseeb lossis muaj kev xav, tus yam ntxwv thiab kev zoo siab chim siab txawv txav.
Yog xav paub ntxiv -
Muaj Mob Rau Kev Noj Qab Haus Huv Fab Siab Ntsws (Schizoaffective Disorder)
Tus mob no muaj tus yam ntxwv ntawm cov tsos mob uas pheej mob raws li tus mob puas hlwb nrog rau qees zaus uas muaj tsos mob ntawm kev nyuaj siab.
Yog xav paub ntxiv
Kawm txog qhov tseeb ntawm kev noj qab haus huv ntawm txoj kev xav.
Cov yam ntxwv kev noj qab haus huv ntawm txoj kev xav yuav tsis ploj mus yog yus tsis quav ntsej. Yeej muaj cov chaw pab txhawb qhib rau neeg thiab lawv tsev neeg.
Kev Pab Cuam Txog Kev Puas Siab Puas Ntsws
Hu 211
Rau kev pab tswv yim, pab txhawb thiab pab cuam txog tej teeb meem los ntawm lub chaw pab saib xyuas kev puas siab puas ntsws. Yog koj tab tom ntsib ib qho teeb meem loj los ib qho muaj mob xwm txheej txaus ntshai, hu rau 911.
Ua ke no, peb tuaj yeem pab nres tau txoj kev txaj muag thiab ua kom muaj txoj kev hloov pauv zoo.
- Hu mus thiab qhia rau cov phooj ywg los sis tsev neeg, tus tswv cuab hauv lub zej zog uas koj ntseeg siab rau nrog rau tus muaj kev paub los pab, los sis cov kws muaj kev paub tshwj xeeb rau kev pab txhawb thiab cov chaw muaj kev pab cuam.
- Muab koj txoj kev txhawb rau lawv. Txhua tus neeg muaj lub luag hauj lwm thiab tsev neeg txoj kev txhawb tseem ceeb ua kom zoo zog tuaj. Nrhiav tej hauv kev los txhawb, los muab kev vam khom thiab kev pab rau cov neeg txhua phaum hnub nyoog.
- Kev nyob nyab xeeb ntawm txoj kev xav yog ib qhov tseem ceeb rau tus neeg txoj kev noj qab haus huv tag nrho. Nws yog ib qho tseem ceeb los saib xyuas txog koj li kev noj qab haus huv hauv koj siab koj ntsws thiab koj lub cev. Kev noj zoo, kev tswj tau lub neej ua hauj lwm kom xwm yeem, kev yoj cev, thiab kev sib tham pab txhawb tau yus txoj kev noj qab haus huv tag nrho.
- Yog xav kawm ntxiv txog ntawm cov tib neeg uas muaj cov yam ntxwv no nyob li cas, thiab yog xav paub txog txoj hauv kev pab txhawb los sis koom tes los mus pab , mus saib StopStigmaSacramento.org, los sis hu rau 211 kom coj tau koj mus cuag cov kev pab cuam uas nkag siab koj txoj kev xav thiab kev coj.
Txoj Kev Pib Sib Tham
Hej (hey), zoo li ib ntus no koj muaj ntau yam nyob hauv koj lub siab. Koj puas noj qab nyob zoo os?
Kuv xav hais qhia koj tias yog koj xav tham txog dabtsi, kuv nyob ntawm no mloog koj tham. Koj puas xav teem caij wb sib ntsib rau lub lim tiam no?
Kuv pom tias koj qhaj ntawv tau ob peb hnub no lawm. Kuv xav nug koj seb koj puas noj qab nyob zoo.
Kuv tsis tau ntsib koj ntev lawm! Koj nyob li cas?
Kuv paub tias ua neeg nyob yeej tsis yooj yim, tabsis yog koj xav nrog leej twg tham, paub tias kuv nyob ntawm no mloog koj txhua lub sij hawm.
Ziag no zoo li koj tsis tshua kaj siab. Kuv xav nug koj seb koj puas noj qab nyob zoo.
Kuv xav qhia koj paub tias kuv nyob ntawm no. Yog koj muaj tej yam koj xav tham txog ces los nrog kuv tham.
Kuv paub tias ib ntus no yeej muaj qee yam uas nyuaj kawg nkaus; yog koj xav tham txog tej ntawd lossis lwm yam ces qhia rau kuv paub. Kuv nyob ntawm no mloog koj tham txhua lub sij hawm.